·
見到好多人去濟州影PW好靚，所以我地pw都揀左去濟州影！🤣
Ig廣告睇過幾間，大公司有啲價錢，雖然平，但見到有啲人話去到有啲公司好多附加費 所以都擔心做水魚！
無意中喺網上見到有人介紹 fairytale wedding 評價都唔錯咁，後尾再問 價錢清晰 WhatsApp回覆好快 又好有耐心解答我哋嘅問題 所以就揀左佢地了！
拍攝之前佢都好清楚講俾我地聽有啲咩需要準備，拍攝前一星期會問定我哋想拍啲咩場景
到拍攝當日，翻譯Hena 一早喺酒店樓下等我哋，帶我哋去化妝揀衫！初頭都擔心會揀唔啱婚紗影相，同埋擔心時間會好趕急，但其實選擇好多，而且時間都夠用。
拍攝過程，全程有翻譯，化妝師跟隨。化妝師非常細心，影相會幫你擺好裙擺，移動既時候會幫呢整理好，等你唔會好論盡
翻譯Hena 都非常有耐性，咁同我哋解釋攝影師想我哋做嘅動作，同時又有幫我哋拍片影相。🤣
而攝影師去到每個地方都好有耐心幫我哋影咗好多唔同角度嘅相！而且完全有按照我哋嘅style同埋要求去幫我哋影。影出嚟完全係我哋想要嘅效果！非常靚🤣
收到相嘅時候都非常滿意
總括而言，今次濟州影pw之旅非常順利，而且價錢合理，過程冇任何嘅附加費！ 推薦大家搵佢地！
原文出處: 婚享同學會 Wedding Union