韓國pre wedding - Jeju

當初決定要影Pre wedding時就已經決定好要去濟州影, 因為一年四季都有不同花海, 而當中有最鍾意既油菜花。

比較過不同婚攝公司, 最後決定選擇Fairytale wedding, 因為風格比較自然。

拍攝當日翻譯姐姐會到酒店接我地去化妝室set頭化妝, 揀裙同禮服, 化妝室工作人員都會幫手比意見, 所以整個過程都非常順利有效率, 一切準備好後就出發去拍攝。

因為有額外加studio, 所以第一站係studio, 而外景就揀左四個場地, 分別係森林, 草地, 油菜花田同海邊。

當日好凍, 每次一影完相助手姐姐就會拎住外套咁衝埋嚟攬住, 非常貼心。

由1點影到7點, 全程6個鐘, 攝影師, 翻譯, 助手都提供好多情緒價值, 不斷引我地笑, 幫助我地展示出最真實自然一面。

拍攝途中翻譯姐姐同助手姐姐都會幫手用電話影一啲花絮, 淨係用電話影既相都非常靚。

原圖會係拍攝後兩星期內收到, 相片比預期中既多, 有成5000幾張, 全部都好滿意, 絕對會推介比身邊既朋友。

原文出處: 婚享同學會 Wedding Union