一直都好憧憬去韓國影婚紗相，上網睇好多評語都話韓國婚紗攝影好專業，化妝又靚。因為咁所以其實一開頭都喺ig睇過幾間pre-wedding公司比較，發現一係價錢偏貴，一係就覆得好慢，一係就態度好差，但最後決定揀fairytale wedding！我透過whatsapp問咗佢地好多問題，Fairytale wedding唔止覆得快，價錢又合理，佢哋仲會解釋得好清楚拍攝嘅流程，每次有咩問題問佢哋，都感覺到佢哋好熱心，好幫手，價錢又合理，同其他公司好大分別，所以就揀咗佢地Seoul 102攝影師啦。
出發之前一個星期佢地都會問我地想揀咩場景影，又會提我地執行李既注意事項，好細心️，仲會提我地影相前一日有咩要準備。
當日翻譯姐姐Pansy好準時就到咗地鐵站等我地，之後就去Studio，化妝過程Pansy都會幫手翻譯我地既preference俾化妝師，務求執到自己想要既效果。化完就揀婚紗，package包2條婚紗，1條長裙，總共都試咗5、6條，有啲特別款要加錢upgrade。花球同髮飾都係可以任揀，Pansy同Assistant姨姨都有幫手襯同俾意見咩裙同髮型襯咩場景，令我呢個本身有選擇困難症既人都好快做到決定。Pansy 同姨姨好好係咁同我哋傾偈令我哋冇咁緊張，化妝姐姐一個鐘內已經完成晒化妝同埋整頭，韓妝真係好靚，佢哋好專業。
記得拍攝當日遇到落雪，得零下幾度，因為有一部份嘅場景係室外，我真係好凍好凍。但係姨姨，翻譯小姐，攝影師都真係好細心，佢哋好怕我凍，一影完就會即刻用毛氈包住我，幫我黐暖貼，仲會係咁幫我打氣，拍攝過程都非常開心同感動。攝影師不斷俾指示叫我地做唔同動作，當日因為落完雪地下好滑，攝影師好細心咁揀一啲容易行嘅場景俾我，仲好幽默，現場係笑過不停，成個拍攝過程都好順利，好輕鬆好開心，感受到團隊真係好專業。估唔到一個Studio可以影到10幾個場景。
影完之後好快就有相睇，揀完相之後好快就有精修圖睇，執相執得又快又靚唔會過份photoshop到好假！好慶幸揀左Fairytale Wedding!，佢哋真係令我好放心，唔會好似其他公司咁，好似只係為咗想賺錢，Fairytale wedding俾我感受到佢真係想為每對新人留低最特別嘅回憶，service好tailor-made! 身邊有人想去韓國影婚紗相都會推薦佢地！
原文出處: 婚享同學會 Wedding Union