期待咗好耐嘅濟州 Pre-Wedding 終於影完啦！諗返起成個過程，除咗靚到爆嘅風景同相之外，最令我哋感動嘅係成個 Fairytale Wedding 團隊嘅專業同埋用心。呢次真係一次好值得推薦嘅婚紗攝影體驗！
由一開始嘅諮詢到影完相，成個團隊都表現得好專業又好 nice。由出發前佢哋會提我哋帶齊嘢，幫手訂花，到影相嘅時候，攝影師好叻捕捉自然又浪漫嘅 moment，成日都引導我哋擺出最靚嘅 pose。化妝師亦都會根據我想要嘅妝感同髮型，化咗個精緻又啱我嘅妝，即刻變咗韓妹。仲有當日同行廣東話翻譯 Cherrie，唔單止溝通冇問題，仲好細心咁照顧我哋，令到成個拍攝過程順順利利。
講返拍攝當日，一朝早 Cherrie 就準時嚟到酒店接我哋去化妝室化妝set頭揀婚紗同西裝。化妝室有兩位化妝師，佢哋都有因應拍攝場地而建議適合我哋嘅婚紗西裝同埋配搭 accessory。之後就出發去影相，兩位攝影師就一早喺影相嘅地點等我哋。我哋影咗四個 locations，其中一個場景就係二月盛開嘅油菜花田，影出嚟都好靚！另外我哋都有帶一套casual wear 去草地影嘅活潑啲嘅相，最後就喺超級大風同凍嘅海邊影埋日落，之後佢哋就送返我哋返酒店。
影相嗰日嘅天氣其實好好好凍，但係成個團隊都冇hea，攝影師們依然好有活力咁指導我哋，令到整個拍攝過程都好愉快，隨行化妝師都keep住留意我嘅妝容同埋保暖，Cherrie 都有係咁幫我哋影啲 behind the scene 嘅相同片。最後佢哋一星期內就send返晒超過二千張相俾我哋，啲相真係靚到我唔知點揀好。我哋真係好感謝 Fairytale Wedding 同埋攝影師 Jeju 201 ，俾咗一個咁難忘嘅拍攝體驗俾我哋！
原文出處: 婚享同學會 Wedding Union