我自己本身好鐘意韓國簡約風 去到韓星idol blink blink妝都好鐘意 所以而家終於比我體驗到，等我分享返搵既過程同體驗後既感受
尋找婚攝
一開始我都係ig搵左幾間好出名，但因為唔想去啲咁大路既公司 最後行婚展既時候 竟然見到Fairytales wedding 擺booth(原來佢地第一次擺). 呢間係ig已經見過但冇認真詢問詳情。最後我係婚展坐低聽佢地講解, 佢地所有人都好nice 套餐包哂婚紗 西裝 鞋 飾物 住宿 翻譯，交通，揀左 studio 203, 一條龍搞掂哂 仲有婚展優惠，冇隱藏收費， 聽完之後比較返出名既婚攝 雖然大家差唔多價位 但因為我唔想去啲大路公司所以揀左呢間。
出發前
係臨出發前 我係咁wtsapp問問題 佢地都好快回覆 仲好詳細 所以只要帶nubra(女)，黑色長襪（男）就可以飛過去啦🤣
拍攝當天
翻譯姐姐係香港人 早上味到09:30已經係酒店大堂等我地 當天仲係有少少雨 但到左化妝室已經停左雨 好開心10:00am一到化妝室 就開始整頭髮 建議有要求既話可以搵定啲參考圖 佢地整頭髮都好細心 個頭髮卷度好韓妹feel （但濟洲太大風 最後散哂 轉左紮起頭髮）差唔多整左一個半鐘頭 之後到化妝 我最期待係眼睫毛同底妝部分 真係滿足到我要求 自然得黎有妝感️最後揀婚紗部分 由於化妝同整頭都化左好多時間 婚紗既選擇 建議都係搵定參考圖比較快 因為我已經有心水 試左5-6套 10分鐘內就揀好了🤣 而新郎西裝只需揀一套 為咗襯返所有場景 所以揀左卡其色百搭一點。
前往拍攝外景
今次套餐係影4小時 4個場景 包裝換衫換妝 要讚一下攝影師同助手姐姐既速度 拍攝由14:00開始 個日因為陰天 好大風 個人已經薑左 但所有人都係度打氣加油攝影師好配合狂禁相機 捕捉最自然表情 影最後一個場景時 其實已經overrun 但攝影師都好好人 冇hea影 仲影多左好多自然相 真係好感謝呢位攝影師 又靚仔 又有活力 係咁讚我地同指導我地既姿勢。
拍攝後
簡直不得不佩服攝影師既效率，兩日時間已經比原圖我地揀相 仲要原圖已經好靚 原圖有成3千張相🤣 加上攝影師精選圖片本身得10張 但攝影師話太靚加到24張比我地🥹🥹 咁好得唔得咖！
整體黎講 fairytale wedding 有好多驚喜比我地 啲相突然加多左比我地 原圖都影左咁多 又聽我地要求 我想影既效果 都好盡力滿足到我地🥹🥹 冇揀錯呢間韓國婚紗攝影
原文出處: 婚享同學會 Wedding Union