·
我哋想影Pre-Wedding，心儀咗櫻花背景好耐，發現有唔少新人去濟州影Pre-Wedding。考慮完之後我哋覺得Fairytale Wedding嘅相、評論同package都幾好，所以揀咗佢哋。
當日廣東話翻譯喺酒店樓下接我哋過去化妝室，化妝室嘅工作人員都好專業同快手，之後就會合埋攝影師、助手及司機。佢哋都好體貼同好nice，仲買咗零食俾我哋喺車上面食。
我哋一共去咗四個場景：櫻花園、櫻花及油菜花路、牧場及海邊。四個場景都好靚。雖然拍攝當日好凍，但係工作人員都好細心咁照顧我哋，轉妝換衫都好快手，又會驚我哋凍親幫我哋擋風同着褸。韓國攝影師好專業，教我哋擺唔同嘅pose，順利係天黑之前影晒四個場景，仲帶埋航拍機幫我哋拍添，最終影咗大概1400張相，全部都好靚，而且當日即場送咗五張精選嘅即影即有。
我哋覺得當日拍攝真係好值得同難忘，多謝Fairytale Wedding同其他工作團隊悉心嘅安排同照料！
原文出處: 婚享同學會 Wedding Union