·
今年4月趕係櫻花盛開既時間去韓國濟州島影pre wedding相，今次行程超放心，
未婚妻揀既呢間婚紗攝影安排基本上包哂所有行程既安排。
出發一星期前已經有職員聯絡我地講清楚一啲注意事項，我地係濟州落地後第二日去影，
一起身係酒店梳洗完職員已經渣車係樓下等我地，原來office 好近我地酒店 (我地住機場 市中心附近)
去到office 馬上有人同我地化妝set頭同試西裝／外影既婚紗。事前我地揀好哂地點，一上車後職員仲準備左早餐比我地食(感謝你既飯卷同雞蛋haha 好溫馨)，去到第一個點牧場就見到攝影師。
攝影師講韓文同英文，職員姐姐全程幫忙翻譯，所以攝影師既要求同埋教我地擺動作 溝通上好流暢，跟我地既兩位職員姐姐好貼心，當日既溫度都凍又大風，佢地又借大衣擋風又係咁補妝。
攝影師好有耐性跟我地既動作 同埋 角度 (同埋幾靚仔) 我地帶左自己既衫去影，職員姐姐不斷幫手係車上面換衫／換飾品，成個流程好順暢無阻滯，場地我地揀左 牧場>草場>櫻花>海邊。
完哂一日既拍攝，職員姐姐仲同我地分享當地有咩餐廳好食haha 最後加左IG 係韓國識多兩個朋友添
感謝上天，影相當日好天氣無落雨～ (第二日陰天落雨)
原文出處: 婚享同學會 Wedding Union