被求婚之後就開始係網上揾影PreWedding公司，鍾意去韓國既我，趁住今次機會就同未婚夫講想韓國婚紗攝影相要去濟州影，仲可以趁我地生日去韓國玩。
有次係ig見到Fairytale wedding post 見到濟州風景PW相，覺得拍攝風格互動同好自然，而且我每次direct查詢就好快回覆，就決定揀咗Fairytale wedding 啦~Package已經包左住宿、妝髮、婚紗、男士禮服、翻譯，我另外加埋室內studio、30頁相冊同油畫。
拍攝當日翻譯妹妹一早就係酒店lobby等我地，原來佢係居韓既香港人，即刻覺得好親切，而且佢全日拍攝都跟得好足，我有咩要求都即刻幫我同攝影師同化妝師溝通。
我地先去男士禮服店去揀未婚夫兩套禮服，之後出發去化妝室化妝，同化妝師姐姐溝通好我大約想要既妝感同髮型就佢地就開始化妝set頭，化完之後都好滿意，真係好韓妝feel，婚紗都係同一間揀，有選擇困難症既我，翻譯妹妹都好用心幫我同化妝室職員溝通。未婚夫會坐係試身室門外坐係到睇，每試一條都會俾佢睇，最後揀左三條。
然後出發去第一個拍攝場景studio，唔後悔加左室內studio拍攝，純白簡潔而且studio有個大玻璃窗可以影到户外環境，我地都吾識擺post而且擔心到時表情會好僵硬。但係整個拍攝過程攝影師會不斷捕捉我地既互動，同教我地擺post，而且不斷用韓文去稱讚我地，令我地好放鬆同自然擺post。
因為去濟州拍攝之前都會同我哋商討拍攝嘅地點，然之後跟住我哋揀既地方編排好路線，拍攝嘅路線係：studio > 樹林 > 芒草 > 山茶花 >海邊，天氣預報有顯示拍攝嗰幾日會係陰天，又令我擔心起嚟，好彩天公做美最後都完美結束拍攝。
結束拍攝之後即刻airdrop當日側拍既相片同短片俾我，側拍對準新人嚟講都係好重要既回憶，重點側拍都已經好靚。
最值得稱讚係返到香港同fairytale wedding職員聯絡，佢都好快回覆到我，而且因應我嘅精修要求都無嫌我麻煩，影完相之後大約兩個月已經收到最終精修圖，效率都好高。
原文出處: 婚享同學會 Wedding Union