·
我老婆好鍾意濟州嘅粉紅芒草，所以一直好想喺濟州影結婚相。
我哋喺Instagram度搵咗濟州婚攝嘅資訊，最後覺得Fairytalewedding幾啱我哋，所以就同佢哋了解多d細節。過程中，佢哋都好悉心講解同回應得好快，所以就決定搵佢哋幫手。喺出發前，佢哋嘅統籌好細心咁提醒我哋影結婚相有乜需要注意同埋有乜要準備等等。
我哋係10月中左右喺濟州影結婚相。拍攝當日，天公造美，天氣好好，陽光好夠。攝影師Max - Jeju203好專業，佢好仔細咁解釋影相嘅動作同角度，重好有耐性。拍攝團隊對濟州嘅特色景點都好了解，令我哋好安心。
隨行嘅化妝師都好細心，佢識得就地取材，用啲啱嘅材料幫我太太整頭飾。佢哋嘅統籌無論廣東話同韓文都好流利，特別係喺揀婚紗嘅時候，佢可以清晰咁表達我太太嘅意見，令整個過程順利啲。
拍攝當日嘅行程雖然好緊密，但整個過程都好輕鬆同開心。影完係攰，但最後影出嚟效果都好靚，我哋非常滿意，感恩。
同大家分享幾張相
原文出處: 婚享同學會 Wedding Union