本身自己好鐘意韓國同花海，見濟洲島影到香港冇既油菜花，就決定去影返輯prewedding。
喺ig睇過幾間pre wedding公司，發現一係價錢偏貴，一係就幾多負評，最後決定揀fairytale wedding。促使我落依個決定係因為見佢幾個攝影師風格都好自然，唔會過份photoshop到好假。重點係我透過whatsapp問咗好多問題，由花季去到婚紗化妝店都有問，佢地都好有耐心咁俾意見，又覆得快，同其他公司好大分別，所以就揀咗佢地jeju204 攝影師啦。
出發之前一個星期佢地都會問我地想揀咩場景影，方便攝影師plan路線。5小時拍攝可以揀4個地方，我地揀咗森林、框框田園、油菜花田同海灘。佢地都會問埋攝影style喜好同叫我地諗定妝髮同婚紗西裝preference，到時就可以慳返時間諗。鐘意佢地可以彈性揀自己鐘意既妝髮店，亦可以指定化妝師。執行李都有注意事項跟住執，好細心️
當日翻譯姐姐hena好準時就到咗酒店大堂接我地去西裝店揀西裝先，西裝係現成幾個碼咁揀，會送幾條bowtie同長軚換款，但白裇衫同皮鞋要自備。之後就去化妝店，化妝過程hena都會幫手翻譯我地既preference俾化妝師，務求執到自己想要既效果。化完就揀婚紗，package包2條婚紗，總共都試咗5、6條，有啲特別款要加錢upgrade。花球同髮飾都係可以任揀，hena都有幫手襯同俾意見咩裙同髮型襯咩場景，好helpful本身只可以中途換一次裙，但我想換多次佢地都好好人配合我。
雖然當日大風程度拍得住10號風球，我地都凍到僵哂，但拍攝過程都非常開心同感動。攝影師不斷俾指示叫我地做唔同動作，又準備咗好多props，even大風到點唔著仙女棒都俾定我地再photoshop。hena全程幫我地加油同翻譯，又俾咗私家暖包我地，好窩心。化妝助手姐姐都好好，換衫快手又會keep住執返靚啲俾風吹散既頭髮，仲幫我地用手機影咗好多側拍，完圖已經好多好滿意既相。攝影師完咗拍攝仲送咗幾張即影即有，真係好nice
影完大概一個禮拜已經收到原圖同送既10張精修，好多原圖已經靚到可以直出，精修既10張都修得好自然，唔會變咗第二個人咁，啲色又靚。相簿同油畫係彈性可以自己揀加唔加。
Overall揀fairytale wedding真係冇錯，由客服去到拍攝既服務都非常好，身邊有人想去韓國影婚紗相都會推薦佢地！
原文出處: 婚享同學會 Wedding Union