正當我研究搵邊一間韓國婚攝的時候， 睇到一條分享濟洲婚攝的YouTube video，就咁樣認識咗Fairytale婚攝公司。 本來打算係濟洲婚攝，影下花海同外景，但因種種原因(夾假期，季節考慮等等） 退而求其次轉場去首爾。Fairytale係首爾的studio總共有5個, 分別係studio 100,101,102,103,104。佢地網站好清楚列明不同studio的場景同埋sample photo 供客人根據個人喜好選擇join邊個studio。
首爾package係全室內攝影，個人而言係覺得有少少可惜,始終想影下外景，可能因為首爾冇咩外景? 時間所限? (我都冇深究) 。我簡咗studio 101, 一半宮殿風, 一半大自然風，後者大部分設於天台。如果真係想拍少少外景，可追加$1,000拍攝夜景(即天台)。
拍攝當日流程:
約在studio附近地鐵站集合，有職員帶我地上studio。第一時間帶我地去到獨立換衫房放底野先。隨即先由男方簡選兩套禮服，由於選擇唔太多，用咗五分鐘搞惦 (合我心水的)。女士先被安排去set頭化妝(~2hrs)。同時我就進行試身，阿豬媽負責度身，幫我套衫改一改袖長度同修改到較為fit身。然後到我set頭化個簡單妝。女士跟住會簡三套衫(婚紗&晚裝) ，試衫方面冇次數限制，試到滿意為止。當髮型、個妝同衫都ready，會會見攝影師討論一下我地想要的風格，攝影師拎出一塊板貼滿咗不同拍攝手法/style的sample photo比我地係當中簡15張出黎。攝影師盡可能做返相似的效果出黎，呢個方法算係有效率地讓攝影師好短時間內知道我地想要咩效果。簡好之後，即刻開始數小時的拍攝。當日有三至四對當地準新人一同係studio婚攝，為咗避免有"塞車" 情況，攝影師們用walkie溝通，互補位置，游走唔同場景。整體係幾流暢，最多等一陣可以回下氣。
真實感受:
首先，辛苦哂整個拍攝團隊。Package包咗廣東話翻譯員(比個like)，而不是普通話。翻譯員係成個拍攝過程好重要，靠佢先明白攝影師的指示。除此之外，佢仲係第二個攝影師，交底咗部電話比佢拍底一啲有趣花絮，拍咗幾十條video，thanks a lot。當日氣溫只有2-3度超凍，拍攝中途佢斟咗熱茶同供應咗小食比我地保暖充一充電，超窩心。另外，我地遇到一個有要求的攝影師，每次轉換動作/場景後，都會花一啲時間執好所有細節先開始影，特別係裙擺(辛苦阿豬媽)同頭的角度。攝影師清楚知道係咩時候加插拎花束/加頭紗/頭飾/長裙尾令到個構圖更加靚。呢方面係十分滿意。
整體:
整個體驗令人滿意，拍攝團隊係專業的同細心。唯一不足係追加的夜景服務只局限於studio天台拍攝，而studio後方只有普通高樓大廈，所以拍出黎的效果係一般般。Overall, recommened !!!
原文出處: 婚享同學會 Wedding Union